June 14, 2024

एजेन्सी – एएफसी च्याम्पियन्स लिगको समूहचरणमा स्थान बनाउन साउदी क्लब अल नासरले आज राति दुबई क्लब शाबाब अल-अहलीको सामना गर्दैछ। एएफसी च्याम्पियन्स लिगको प्लेअफ राउन्डमा अल नासरले शाबाब अल-अहलीको सामना गर्न लागेको हो।

पोर्चुगिज स्टार क्रिस्टियानो रोनाल्डो अल नासरलाई एएफसी च्याम्पियन्स लिगको समूहचरणमा पुर्याउन सक्दो प्रयासमा हुनेछन्। युइएफए च्याम्पियन्स लिग पाँच पटक जितिसकेका रोनाल्डो आज राति पहिलो पटक एसियाली फुटबलको प्रिमियम क्लब प्रतियोगितामा सहभागी हुनेछन्।

रोनाल्डोले साउदी प्रो लिगको नयाँ सिजनको पहिलो खेल गुमाएपनि दोस्रो खेल भने खेलेका थिए। रोनाल्डोले शाबाब अल-अहली विरुद्धको खेल खेल्नेछन्। नियमका आधारमा एएफसी च्याम्पियन्स लिगका लागि एक टोलीले मात्रै पाँच गैर एसियाली खेलाडी मात्रै राख्न सक्छन्।

अल नासरले रोनाल्डो, माने, ब्रोजोभिक, एलेक्स टेल्स र सेको फोफाना गरी पाँच गैर एसियाली खेलाडीलाई मैदानमा उतार्न सक्छ। महत्वपूर्ण खेलमा उत्कृष्ट प्रदर्शन गर्ने रोनाल्डोले चमत्कार गर्ने आशा अल नासरले राख्नेछ। दुई क्लब बीचको खेल नेपाली समय अनुसार रातको ११ बजेर ०५ मिनेटमा सुरु हुनेछ।

Leave a Reply

Your email address will not be published. Required fields are marked *