एजेन्सी – पोर्चुगिज स्टार क्रिस्टियानो रोनाल्डो नयाँ कोशेढुंगा नजिक पुगेका छन्। हाल साउदी क्लब अल नासरमा रहेका रोनाल्डो नयाँ कोशेढुंगा नजिक पुगेका हुन्।
साउदी सुपर कपको सेमिफाइनलमा अल-नासरका लागि गोल गरेपछि क्रिस्टियानो रोनाल्डो अर्को गोलको कोसेढुङ्गा पुग्न नजिक छन्। अल ताउनलाई २-० को गोल अन्तरले पराजित गर्दा रोनाल्डोले पनि एक गोल गरेका थिए।
यो गोल क्रिस्टियानो रोनाल्डोको करियरको ८ सय ९६ औं गोल थियो। यससंगै रोनाल्डो करियरको ९ सय गोल नजिक पुगेका छन्। अब मात्र ४ गोल गरे रोनाल्डोले ९ सय गोल पूरा गर्नेछन्।
रोनाल्डो अब छिट्टै राष्ट्र र क्लबका लागि कुल ९ सय गोल पूरा गर्ने पहिलो खेलाडी बन्नेछन्। रोनाल्डो फुटबलमा सर्वाधिक गोल गर्ने खेलाडीको रुपमा रहेका छन्।
अगस्ट १७ मा साउदी सुपर कपको फाइनलमा अल-नासरले अल-हिलालसँग खेल्दा रोनाल्डो गोल गर्दै ९ सय गोलको कोशेढुंगा थप नजिक पुग्ने योजनामा हुनेछन्।
