एजेन्सी – अस्ट्रेलियाली व्यावसायिक फ्रेन्चाइज ट्वान्टी२० क्रिकेट लिग बिग ब्यास लिग (बिबिएल)को ड्राफ्टमा नेपाली राष्ट्रिय क्रिकेट टोलीका दुई खेलाडी अटाएका छन्।
बिग ब्यास लिग (बिबिएल)को नयाँ सिजनका लागि हुने खेलाडी अक्सन अगाडी नेपालका दुई खेलाडी ड्राफ्टमा परेका हुन्। ड्राफ्टमा अटाउने नेपाली खेलाडीहरुमा सन्दीप लामिछाने र ललित नारायण राजबंशी छन्।
विदेशी खेलाडीको ड्राफ्टमा अटाएका सन्दीप र ललित दुवै बलर हुन्। सन्दीप लामिछानेले यस अगाडी पनि बिग ब्यास लिग (बिबिएल) खेलिसकेका छन्।
सन्दीपले अहिले सम्म दुई बिबिएल टोलीबाट खेलिसकेका छन्। सन् २०१८ मा मेलबर्न स्टार्सबाट खेलेका उनले सन् २०२२ मा मेलबर्न स्टार्सबाट खेलेका थिए।
बिबिएलमा सन्दीपले अहिले सम्म कुल ४३ खेलमा ४८ विकेट लिएका छन्। ललितले भने अहिले सम्म बिग ब्यास लिग (बिबिएल) खेलेका छैनन्।
